(三)三音节
(1)名词
1、一只鼎
喻为：
A、技艺高超之人
“老早个邻居'鸭蛋头’，掼摔跤一只鼎。”
“当年说书一只鼎，要算扬州王少堂。”
B、特殊者
“伊打相打一只鼎。”
“迭只棺材别个本事呒沒，吃起来倒是一只鼎。”
2、半吊子
“吊子”即“水壶”，“半吊子”的本义为“只有半水壶的水”。
引申为：
A、知识不丰富或技术不熟练的人
“伊顶多算个半吊子个电工。”
“迭个人的木匠技术勿来三，是个半吊子。”
B、有始无终者
“讲好一淘开车进西藏，呒沒想着到了成都伊就回去了，真是个半吊子。”
“只要陆水仙不做半吊子，把那张笔据揑牢，也许还能翻过来。”(评弹《遗产风波》)
按：“半吊子”也用如形容词。例如：
“迭个人邪气半吊子，做事体有头无尾巴，勿好派大用场。”
3、老头子
本义为“老头”，“子”为词缀。
引申为：
A、中老年妻子对丈夫的称谓
“阿拉屋里个事体，侪是老头子作主。”
“阿拉个死老头子外头花嚓嚓。”
按：如果是“爷老头子”，则为另义，指“年长的父亲”。
B、流氓首领
“黄金荣、杜月笙、张啸林，是旧社会上海滩个老头子。”
按：这里的“老头子”应为“老的头子”。
4、老鬼(ju)三
那东西、那家伙、那玩意
A、对人的谑称
“迭把老鬼三邪气垃圾，呒搭头。”(迭把：这种。)
B、对事物的幽默说法
“有个小品，毛阿敏演个角色拿仔把刀讲杀鸡个事体，甩法甩法，曹可凡演个角色讲：'啊唷，侬拿迭只老鬼三摆下来，我看到嚇个。’”
C、不便明言、难以启齿的说法
“假使女人讲'迭个号头老鬼三又来了’，就是指月经。”
“有辰光，'老鬼三’也指男人伊个物事。”
按：“老鬼三”也写作“老举三”，《沪谚外编》：”老举三：指一事物，而不明言其名，听者自能会意。”
5、横垛里
本义为方位名词“横向”。例如：
“我勒勒直走，横垛里突然窜出条狗，嚇我一跳。”
引申为：
A、旁的地方
“杨昆想是也想的，只不过想到横垛里去了。”(评话《英烈传·打中军》)
B、半中间
“谈判进行得蛮好，沒呒想着横垛里杀出个程咬金。”
(2)动词
1、一脚去
A、完蛋、泡汤
“日本当年个金融危机，造成交关人个投资一脚去。”
“女朋友一声'拜拜’，小王个爱情脱仔婚姻，侪一脚去了。”
B、死
“迭个坏人，昨日总算一脚去了。”
“'一脚去’，是'死脱’个勿敬之词，同样，上海闲话里还有别个，譬如'翘辨子’、'弹老三’啥咾。”(啥咾：等等)
2、勿搭界
本义为“不连靠”。例如：
“徐家汇搭仔徐家汇路，勿搭界，当中隔仔六里长个肇嘉浜路。”
引申为：
A、沒联系
“伊拉两家头已经离婚，勿搭界了。”
B、无关连
“迭桩事体脱我勿搭界。”(脱：与。)
C、不要在意
“老陈讲'谢谢侬帮我！’老王讲：'勿搭界，应该个。’”
“小事一桩，勿搭界个，侬勿要客气。”
按：C义为客套话。
3、轧朋友
A、交友
“现在坏人多来西，轧朋友要当心。”
“上海闲话里个'轧朋友’，如果不是指'谈朋友’，格末也就叫'轧道’， 也写作'轧淘’。”(格末：那么。)
B、谈对象
“岁数勿小了，好轧朋友了。”
“伊拉两家头朋友轧了好几年了，因为呒沒房子，到现在还呒没结婚。”
4、吃豆腐
A、调戏妇女
“流氓阿飞，碰着好看个小姑娘，就想吃豆腐。”
“阿Q看到小尼姑，也要上去吃豆腐。”
B、开玩笑、拿人开心
“朋友，帮帮忙，勿要吃豆腐好伐。”
“杀千刀！当心碰着汽车，吃倷啥格断命豆腐！”(《杂格咙咚集》)
按：“吃豆腐”是借代。
5、吃家生
A、挨揍
“伊小辰光邪气皮，常庄拨爷娘吃家生。”(他小时候很顽皮，经常遭爸妈揍。)
B、遭惩处
“伊贪污巨款，迭趟括三，奈要吃家生了。”(括三：败露；奈：这下。)
按：与“吃家生”相似的还有“吃生活”。例如：
“白吃一碗豆腐花，等一歇吃起生活来吃勿消。”(滑稽戏《三毛学生意》)
6、吹牛逼
A、吹牛、说大话
“侬勿要相信伊，伊是吹牛逼大王。”
B、闲聊、侃大山
“有空到阿拉屋里来吹牛逼。”
“两家头老酒扳扳、牛皮吹吹。”
按：B义的“吹牛皮”也叫“嘎山河”。
7、混腔势
A、混日子
“年纪大了，身体一日勿如一日，只好混混腔势了。”
“迭种工作呒啥前途，只不过混腔势。”
B、不真认
“迭只小鬼读书勿来三，老是混腔势。”
C、朦混、打马虎眼
“侬要老实交代，勿要混腔势。”
8、摸袋袋
本义为“从衣服口袋里掏钱”，引申为：
A、买单
“每趟同学聚会，侪是伊摸袋袋。”
B、偷钱包
“公交车轧个辰光，要当心有人摸袋袋。”
9、摆噱头
A、说笑话
“上海个滑稽戏、独脚戏，侪离勿开摆噱头。”
B、耍花招
“哎哟，侬有闲话直接讲，勿要摆噱头了。”
“(王狠光)手抓牢枪柄，还要摆噱头：'共军，照法宝！’——拉起枪望准雷震霖面孔上丢过来。”(评弹《战火中的青春》)
10、翻跟头
《现代汉语词典》：“身体向下翻转而后恢复原状”，此为本义。例如：
“杂技表演中个翻跟头，邪气精彩。”
在上海话中引申为：
A、翻倍
“'大沙哈’里个'全红一点黑’或者'全黑一点红’，是十三道；假使'全红’或者'全黑’，就要翻跟斗，廿六道。”(沙哈：扑克牌的一种。)
B、转手倒卖
“七十年代个上海，碰着吃香个电影票，电影院门口就有人勒勒'翻跟头’。”
也写作“翻跟斗”。
(3)形容词
1、老面皮
本义为“脸厚”。例如：
“面皮老老，肚皮饱饱。”(旧时熟语)
“老仔面皮，饱仔肚皮。”(同上)
引申为“羞”。
A、不要脸
“阿哥骗弟弟物事吃，老面皮。”
B、难为情
“冬瓜皮，西瓜皮，小姑娘勿着衣裳老面皮。”(上海童谣)
2、好白相
A、好玩
“老底子个'大世界’，邪气好白相。”
B、奇怪
“迭个人好白相伐，对牢我穷笑，我又勿认得伊。”
3、搭勿够
本义为“够不着”。例如：
“调换吸顶灯个灯炮，手搭勿够，要立勒凳子浪。”
引申为：
A、达不到
“龙华滨江地区买套房子，伊现在经济浪还搭勿够。”
B、不行
“老底子里弄居委会个阿姨干部，讲起来头头是道，不过写起来还是搭勿够。”
C、无交情
“弟兄两个各管各，根本搭勿够。”
4、搭得够
A、够得着
“余化龙摸出镖来，看看距离搭得够，就旋转身来，一镖——。”(评话《岳传·龙门败十将》)
B、要好、交情深
“闺蜜，就是互相邪气搭得够个女性。”
“幸亏另外还有两个换帖弟兄，还搭得够。”(评弹《战火中的青春》)
5、硬翘翘(jiao)
A、僵直
“睏觉落枕，头颈管到现在还是硬翘翘个。”
“头颈硬翘翘，喉咙三板响，保长说点啥，就此勿买帐。”(评弹《冲山之围》)
B、生硬
“搭自家个老板讲闲话，勿好硬翘翘个。”(搭：和。)
C、桀骜不驯
“好好交帮伊讲，还是听勿进，原旧硬翘翘。”
(四)四音节
(1)名词
小八腊子
A、小孩
“我真个怀念小辰光一淘白相个伊眼小八腊子。”(伊眼：那些。)
“落雨了，打烊了，小八腊子开会了。”(上海童谣)
B、小人物
“单位里侪是领导讲了算，阿拉迭种小八腊子是呒沒发言权个。”
也写作“小八拉子”。例如：
“人家是日本人手底下的红人，凭我们这种小八拉子惹得起他们吗？”(《姑苏春》)
(2)动词
1、勾肩搭背
A、互搭肩背
“就在这个时候，独眼龙和一美国水兵勾肩搭背，跌跌撞撞从安乐宫里滚出来了。”(《上海民间故事选》)
B、勾搭
“迭只赤佬搭阿拉部门经理是亲戚，两家头常庄勾肩搭背，勒背后做手脚。”
2、捉老白虱
本义为“找虱子”，引申为：
A、吹毛求疵、找茬寻瑕
“伊迭能做，是有意勒侬身浪捉老白虱。”(迭能：这样。)
B、文字校对
“文章写好了，还要校对，就是捉老白虱。”
按：“捉老白虱”是比喻。
(3)形容词
1、一天世界
A、脏乱
“有把小留学生邪气懒，拿房间弄得一天世界。”
B、差劲、糟糕
“伊个做人，可以讲一天世界。”
“勿谈了，迭桩事体已经一天世界了。”
也写作“一摊世界”。
2、七荤八素
A、晕头转向
“阿贵常庄拨老婆弄得七荤八素，呒沒方向。”(拨：被。)
“有几个特务早已着了几下，被打得七荤八素，夹着尾巴逃窜了。”(《上海民间故事选》)
B、乱糟糟
“(宋)徽宗把天下搅得七荤八素。”(《上海俗语图说》)
以上皆为借喻。
3、七桥八裂
本义为道路破损而高低不平。例如：
“年数长了，迭段公路已经七桥八裂了。”
“道路崎岖，上海谓之'七桥八裂’。”(《上海俗语图说》)
引申为：
A、人际矛盾
“自家内部七桥八裂，生意哪能做得上去？”
B、难相处
“迭个人有点七桥八裂，勿大好打交道。”
也写作“七撬八裂”。
4、七搭八搭
A、乱搭讪
“伊欢喜搭讪，连勿认得个，有辰光还会上去七搭八搭。”
“我说末对唔说仔，唔勿要外头去七搭八搭介。”(昆曲《茶坊》)
B、胡言乱语
“刚刚侬勒勒七搭八搭个讲点啥？”
“老爷今天七搭八搭，不知道说些什么，别说太太不懂，连我也不明白，倒怪怕的。”(《孽海花》第24回)
也写作“搭七搭八”。
5、七嘴八搭
A、说话乱
“侬七嘴八搭讲了介许多，侪是废话，好关脱了。”(关：停。)
按：即说话中的“东一榔头西一棒”。
B、答非所问
“现在问侬欠个钞票倒底啥辰光还，侬勿要七嘴八搭讲别个。”
按：即文言“王顾左右而言他”。
C、议论纷纷
“讨论会浪，大家七嘴八搭，抢了发言，讲得老扎劲个。”
按：即普通话里的“七嘴八舌”，也就是“你一言我一语”。
6、五嗨六肿
A、肿得厉害
“伊拨人家打得来面孔五嗨六肿。”(拨：被。)
B、臃肿
“迭两年来发福，胖得五嗨六肿。”
7、石骨铁硬
本义指东西很硬。例如：
“鸟龟掼石板，双方侪是石骨铁硬。”
引申为：
A、硬气
“'饿夫不受嗟来之食’，就是讲做人要石骨铁硬。”
B、坚强
“谭嗣同菜市口临刑就义，表现得石骨铁硬。”
C、坚决
“开会辰光，大家穷争八争，直到董事长惯出一句石骨铁硬个闲话，全场闷脱，侪勿响了。”(穷：拼命。)
D、的的确确
上海人也叫“的的刮刮”。例如：
“卖琴的老师傅是个石骨铁硬的老克勒，抽板烟斗，吹起小提琴来头头是道。”(沈嘉禄《淮国旧，值得张望的弦窗》)
按：也写作“石骨挺硬”。
8、直白笼统
A、直接
“诗歌，勿好直白笼统，要含蓄，要让读者有想象个余地。”
B、直率
“有辰光，讲闲话要注意方式方法，勿好太直白笼统，因为要考虑到对方个接受程度。”
9、烂糊三鲜
A、乱来
“搿对夫妻邪气脱底，前吃后空，烂糊三鲜。”(脱底：不会过日子。)
B、下三滥
“北方人讲个'破鞋’，有点像上海人讲个'烂糊三鲜’。”
10、弹眼落睛
本义为“眼睛睁得很大”。例如：
“卢安林弹眼落睛，劈头就是一顿训斥。”(《上海民间故事选》)
引申为：
A、吸引眼球
“劳斯莱斯开勒马路浪，的确有眼弹眼落睛。”
“伊拉屋里个迭套红木家生，绝对弹眼落睛。”
B、吹胡子瞪眼睛
“朋友，有闲话好好交讲，勿要迭能弹眼落晴。”(迭能：这样。)
“《沙家浜》里个胡传魁有眼粗鲁，讲起闲来常庄弹眼落睛。”
按：B义即上海话中的“吃相难看”。
(4)副词
一塌括仔
A、全部、通通
“我立刻喊齐仔人，一塌括仔去捉得来阿好？”(《海上花列传》第56回)
“李富孙做过一部《金石学录》……连收藏古董，贩卖古董的少爷和商人，也都一塌刮子收进去了。”(《准风月谈·各种捐班》)
B、一共、总共
以上就是本篇文章【上海话中的多义词（七之三）／ 作者：陈永生】的全部内容了，欢迎阅览 ！ 文章地址：http://www.tpjde.com/quote/1057.html 行业 资讯 企业新闻 行情 企业黄页 同类资讯 网站地图 返回首页 推平第移动站 http://mip.tpjde.com/ , 查看更多